1,841 Бардыгы /

 ОШ. Ошто 23 жаштагы жаш эне төрөттөн кийин каза тапты. Бул фактыны Саламаттыкты сактоо министрлигинен тастыкташты.

 – Жаш эне Ош облустар аралык бириккен клиникалык ооруканасына 8-июнда абдан оор акыбалда түшкөн. Төрөттөн кийин саламатчылыгы андан бетер оорлошуп, 9-июнда эсине келбестен каза тапты. Бул үчүнчү төрөтү экен. Каттоодо турганына 13 жума болуптур. Бирок, наристе дени сак бойдон төрөлдү, – деп кошумчалашты Саламаттыкты сактоо министрлигинен.

Саламаттыкты сактоо министрлигинен маалымдашкандай, бул фактыны ар тараптуу иликтөө максатында атайын комиссия дагы түзүлүп, ишке киришти. Анын жыйынтыгынан кийин гана медиктердин күнөөсү канчалык экендиги аныкталат. Баса, төрөттөн каза тапкан келиндин ата-энеси маркумдун сөөгүн сойдургандан баш тартышты.

                        Алишер ТОКСОНБАЕВ, өз кабарчы