1,110 Бардыгы /

Жалал-Абад ШИИБнин 07.06.2019-жылдагы №199 сандуу буйругу чыгарылып, 07.06.2019-жылы №12/1416 сандуу иш-мерчеми түзүлүп, жайкы эс алуу мезгилине карата жаш ѳспүрүмдѳрдүн коопсуздугун камсыздоо жана кокустук фактыларынын болтурбоо максатында «Ѳспүрүмдүн коопсуздугу» аталышындагы алдын алуу иш-чарасы ѳткѳрүлдү. Бул тууралуу Жалал-Абад ОИИБнин басма сѳз кызматы билдирди.

2 күндүк жумушчу топтун ѳкүлдѳрү Жалал-Абад шаарынын аймагында жайгашкан «Жеңиш» жана «Токтогул» эс алуу багындагы аттракциондордун азыркы учурдагы абалына кѳз салышты. Комиссия курамына Жалал-Абад ШИИБнин жана мамэкотехинспекция, шаардык билим берүү, балдарды коргоо бѳлүмүнүн ѳкүлдѳрү кирген.

Эс алуу бактарындагы аттракциондор жана шаар аймагындагы сууга түшүүчү жайлардын жайкы эс алууга карата даярдыгы кароодон ѳткѳрүлүп, техникалык коопсуздукту сактабаган оюн-зоок жайларына эскертүү берилип, акт түзүлүп, атайын тапшырманын негизинде Жалал-Абад ШИИБнин тергѳѳ кызматына берилди.

Жалал-Абад ШИИБнин жаш ѳспүрүмдѳр менен иштѳѳ инспекциясы, аймактык участкалык инспекторлор бул күндѳрү жаш балдар арасында кылмыш, кырсыктардын алдын алуу, түшүндүрүү иштерин алып барууда. Ата-энелерге аптаптуу күндѳрү ѳспүрүмдѳрдү суу кѳлмѳлѳрүнѳ жалгыз жибербѳѳгѳ, эс алуу бактарындагы аттракциондорго чыгарууда балдардын коопсуздугуна кѳзѳмѳл кылууга чакырып жатышат.

«Аймак»