949 Бардыгы /

БИШКЕК. КРдин Президенти Сооронбай Жээнбеков Шанхай кызматташтык уюмуна (ШКУ) мүчө-мамлекеттердин башчыларынын Кеңешинин жыйынына катышкан БУУнун Баш катчысынын саясий жана тынчтык маселелери боюнча орун басары Розмари ДиКарло менен жолугушту.

                        Жолугушуунун жүрүшүндө Кыргызстан менен БУУнун ортосундагы биргелешкен кызматташтыктын эң олуттуу маселелери кенен-чонон талкууланды. Мамлекет башчысы Соорпонбай Жээнбеков ШКУ дүйнө коомчулугуна эл аралык өз ара аракеттенүнүн натыйжалуу жана динамикалуу форматын көрсөтүп жаткандыгын баса белгиледи. Ошондой эле демократиянын принциптерин бекемдөөдө жана шайлоо системасын өркүндөтүүдө Кыргызстандын аракеттерин колдоп жаткандыгы үчүн  БУУга терең ыраазычылыгын билдирди.

                        – Азыркы кезде Кыргызстанда социалдык жана саясий туруктуулук бар. Парламенттик демократия улам өнүгүп баратат, жемкорлукка каршы күрөш ырааттуу жүрүүдө. Мунун баары оор эмгек менен коштолууда. Биз жетишкендиктер менен эле токтоп калбайбыз деп Сизди бекем ишендиргим келет.  Өзүбүздүн адамдык жана кадрдык ресурстарыбызга таянып, өнөктөштөрүбүздүн колдоосу аркасында биз алга гана бара беребиз!– деп ишендирди Сооронбай Жээнбеков.

            Мамлекет башчысы Сооронбай Жээнбеков БУУну санариптик технологияларды киргизүү, аймактарды өнүктиүрү жана айыл калкын таза суу менен камсыз кылуу боюнча кызматташууну улантууга чакырды. Ал эми БУУнун Баш катчысынын орун басары Розмари ДиКарло бул анын Кыргызстанга алгачкы сапары экендигин белгилеп, БУУнун Баш катчысы Антониу Гутеррештин ысык саламын жолдоду. Ал Кыргызстанга келгени жана Сооронбай Жээнбеков менен болгон жолугушуулар жөнүндө Антониу Гутеррештин эсинде жылуу эскерүүлөр  калгандыгын дагы баса белгиледи.  Розмари ДиКарло БУУ Баш катчысы Шанхай кызматташтык уюмуна мүчө-мамлекеттердин башчыларынын Кеңешинин жыйынынын ийгиликтүү өткөндүгүн жана мындан ары Кыргызстанга туруктуу өнүүгү каалай тургандыгын дагы кошумчалады.

            Розмари ДиКарло демократиялык принциптерди илгерилетүү жаатында аймактык лидер болуп эсептелген Кыргызстан менен кызматташууну БУУ артыкчылык катары эсептей тургандыгын дагы кошумчалады. Ал ошондой эле бар маселелерди чечүдө мындан ары көмөк көрсөтүүгө даяр экендигин жашырган жок.

Алишер ТОКСОНБАЕВ, өз кабарчы