1,272 Бардыгы /

ЖАЛАЛ-АБАД. Бүгүн 17-июнда Жалал-Абад ОИИБнин имаратында кызматта ѳзгѳчѳлѳнгѳн бир катар кызматкерлер «Компаньон Банкы» ЖАК тарабынан атайын диплом жана акчалай сыйлыктарга ээ болушту. Бул тууралуу Жалал-Абад ОИИБнин басма сѳз кызматы билдирди.

Компаньон банкынын ѳкүлдѳрү милицияга кол салуу фактысынын бетин ачып, шектүүнү колго түшүрүшкѳндүгү үчүн алкыш айтып, түйшүктүү иштерине ийгиликтерди каалашты.

Эске салсак ушул жылдын 25-май күнү Жалал-Абад шаарындагы «Компаньон Банкы» ЖАКтын сактык кассасына кол салуу болгон. Бактыга жараша бул окуядан эч ким жабыр тарткан эмес. Жүргүзүлгѳн ыкчам иликтѳѳ иштеринин натыйжасында, шектүү катары 46 жаштагы Сузак районунун тургуну кармалып, ага карата башка эки кылмыш иши да козголгон.

Мындан сырткары бүгүн спортто ийгиликке жетишкен дагы бир кызматкер атайын диплом жана медаль менен сыйланды.

“Аймак”