793 Бардыгы /

Казакстанда 1-апрелден бери 273 миң үй-бүлөгө даректүү социалдык жардам катары 55 миллиард теңге берилди. Бул тууралуу 15-июнда Коомдук кеңештин алдында отчёт берген өлкөнүн эмгек жана социалдык коргоо министри Бердибек Сапарбаев билдирди.

Анын айтымында, ар бир муктаж үй-бүлө орточо эсеп менен 105 миң теңгеден (272 доллар) жардам алды.

Быйыл жыл башында Астанада өрттөн беш бир тууган кыз каза болгондон бери көп балалуу энелер Казакстандын бир нече ири шаарларында нааразылык акцияларын уюштуруп келишет. Алар жөлөкпулду көбөйтүүнү, көп балалуу үй-бүлөлөрдү турак жай менен камсыз кылууну жана башка бир катар маселелерди чечип берүүнү талап кылышууда.

21-февралда Казакстандын ал кездеги президенти Нурсултан Назарбаев өкмөттү калк менен иштей алган жок деп сындап, премьер-министр Бакытжан Сагинтаев башында турган министрлер кабинетин отставкага кетирген.27-февралда «Нур Отан» партиясынын съездинде Назарбаев көп балалуу жана муктаж үй-бүлөлөрдүн ар бир баласына бериле турган даректүү социалдык жардамдын өлчөмүн 21 миң теңгеге чейин көбөйтүүнү тапшырган.

3-июнда ондогон көп балалуу эне Акордонун алдына чогулуп, президент Касым-Жомарт Токаев менен премьер-министр Аскар Маминден турак-жай маселесин чечип берүүнү талап кылышкан. Бийлик учурда бул багытта түрдүү долбоорлор иштелип чыгып жатканын билдирүүдө.

www…