918 Бардыгы /

Өзбекстандын Сырдарья облусундагы №21 бала бакчанын бир нече кызматкери жана тарбиялануучулары ичеги ооруларынын белгилери менен инфекциялык ооруканага жеткирилди.

Өлкөнүн Саламаттык сактоо министрлигинин маалыматына караганда, бир тарбиячы, бир медайым жана 23 тарбиялануучунун дене табы жогорулап, кускулары келип, ичтери катуу ооруган.

Учурда бейтаптардын абалы орто деп бааланып, аларга зарыл болгон медициналык жардам көрсөтүлүүдө.

Алгачкы текшерүүдөн кийин дарыгерлер алардын оорусу бала бакчадагы таза суунун жетишсиздигинен улам пайда болгон деген божомолду айтышты. 17-июнда мекемеде таза суу жок болуп, балдар кайнатылбаган суу ичип, короодогу өрүктү жуубай жешкен. Учурда оорунун себептерин аныктоо боюнча лабораториялык изилдөөлөр уланууда.

www.