594 Бардыгы /

Эл аралык PEN International уюму Казакстан бийлигинин митингге чыккандарды күч менен кармоо аракетин сындады. Уюм Нур-Султан жарандардын тынч жыйын өткөрүүсүнө жана өз оюн эркин билдирүүсүнө шарт түзүшү керек деп эсептейт.

Уюмдун 9-июлда жарыялаган билдирүүсүндө “9-июнда президенттик шайлоого нааразылыгын билдирип митингге чыккан миңдеген киши бийликтин бутасына алдынды” деп айтылат.

PEN International уюмунун аткаруучу директору Карльз Тонер тынч митингге келгендерди жапырт түрдө кармоону – адамдардын боштондугу менен укугун тебелөө, оппозициянын үнүн күч менен басуу катары сыпаттады.

PEN International — 1921-жылы негизделген жазуучулардын эл аралык ассоциациясы. Адамдардын укуктарын жана эркиндигин коргоо – уюмдун негизги миссияларынын бири.

Казакстанда акыркы жолу 6-июль – Борбор калаанын туулган күнүндө жүздөгөн киши кармалган.

Казакстанда каршылык акцияларын күч менен басууну ЕККУ, Human Rights Watch жана БУУ сыяктуу эл аралык уюмдар сынга алган.

​

www.