770 Бардыгы /

ОРЕНБУРГ. Кыргыз Республикасынын Президенти Сооронбай Жээнбеков «Борбор-2019» стратегиялык командалык-штабдык машыгууларынын активдүү фазасына баш бакты. Оренбург шаарынын Эл аралык аэропортунан Сооронбай Жээнбековду Оренбург облусунун губернатору Денис Паслер тосуп алды. Андан ары Президент Сооронбай Жээнбеков «Донгуз» машыгуу талаасына барып, ал жактан Кыргыз жолбашчысын Орусиянын Коргоо министри Сергей Шойгу тосуп алды.

Орусия Президенти Владимир Путин менен Кыргыз Республикасынын Президенти Сооронбай Жээнбеков «Донгуз» машыгуу талаасында Кыргыз Республикасынын Куралдуу күчтөрүнүн Кургак жер аскер топторунун жана Орусия, Кытай, Пакистан, Индия, Казакстан, Тажикстан жана Өзбекстандын аскердик түзүмдөрүнүн катышуусунда «Борбор-2019» аскердик машыгуулардын жүрүшүнүн алкагында биргелешкен практикалык иш-аракеттерин чогуу-чараан көрүштү. Чабуулга туруштук берүү, шарттуу каршылаштын күчтөрүнүн мизин ыкчам кайтаруу, чабуулга өтүү жана душмандын башкы күчтөрүн аеосуз талкалоо боюнча биргелешкен аракеттер көрүлдү. Иш-чарага дипломатиялык корпустун өкүлдөрүжана «Борбор-2019» машыгуусуна катышуучу өлкөлөрдүн аскерлери катышты.

Аскердик машыгуу соңунда Сооронбай Жээнбеков менен Владимир Путин ошондой эле согуштук жана аскердик техникалардын көргөзмөсүн  дагы чогуу кыдырышты.

Алишер ТОКСОНБАЕВ, өз кабарчы