673 Бардыгы /

ОРЕНБУРГ. Кыргыз Республикасынын Президенти Сооронбай Жээнбеков Оренбург облусуна болгон бириш сапарынын алкагында Орусия Федерациясынын Президенти Владимир Путин менен дагы жолугушту. Анын жүрүшүндө Кыргызстан жана Орусиянын эки тараптуу кызматташтыгынын азыркы абалы, актуалдуу маселелери жана келечеги дагы катуу талкууланды.

Орусиянын Президенти Владимир Путин өлкөлөрдүн бардык багыттары боюнча эки тараптуукызматташтыгы уланып жаткандыгын баса белгиледи. Ийгиликтүү өнүгүп жаткан экономикалык кызматташтыкка көңүл бурулууда — 2018-жылдын жыйынтыгы боюнча товар айлантуунун өсүүсү дээрлик 17 пайызды түзүп, 2019-жылы дагы өсүп жатат. Ал Орусиянын жана Кыргызстандын аскердик жана аскердик-техникалык кызматташтыгы дагы жакшы жагынан уланып жатканын кошумчалады. Владимир Путин «Борбор-2019» биргелешкен стратегиялык командалык-штабдык машыгуулар кандай болбосун күтүүсүз кырдаалдарга туруштук берүү учурунда, анын ичинде терроризм менен күрөшүүдө дагы өлкөлөрдүн Куралдуу күчтөрүнүн  даярдыгынын абдан маанилүү баскычы болуп саналаарын белгиледи.

Ал эми Президент Сооронбай Жээнбеков Владимир Путинге бул чакыруусу үчүн терең ыраазычылыгын билдирип,«Борбор-2019» аскердик машыгуулардын ийгиликтүү аякташы менен куттуктады. Ал ошондой эле өткөн машыгуулар дагы өлкөлөрдүн Куралдуу күчтөрү үчүн сыймыктанса болоорун айгинелеп тургандыгын белгиледи. Эки өлкөнүн аскердик топтору эки жана көп тараптуу формата активдүү кызматташып жаткандыгын канааттануу менен баса белгиледи. Мындан тышкары Сооронбай Жээнбеков Кыргызстан Орусиянын ишенимдүү Союздашы жана Өнөктөшү экендигин дагы бир жолу баса белгилеп, Орусия менен кызматташтыктын бардык багыттары боюнча буга чейин жетишилген макулдашууларды ишке ашырууну артыкчылыктуу багыт катары атады.

Алишер ТОКСОНБАЕВ, өз кабарчы