1,031 Бардыгы /

ОШ. Кытай грантына Ош шаардык клиникалык ооруканасынын жаңы имараты кыска мөөнөттө курулуп, пайдаланууга тапшырылган эле. Ушул тапта бейтапкана толук кандуу иштеп жаткан чагы.

– Жаңы имаратыбыз 150 койкалуу. Заманбап Европа үлгүсүндө курулуп, Ош шаарынын Ак-Тилек кичи районунда жайланышкан, – дейт Ош шаардык клиникалык ооруканасынын баш директору Шаятбек Абдурахманов. – Бул жакка жети бөлүмүбүз көчүрүлүп, жайгаштырылды. Эски жайыбызда дагы анча-мынча бөлүмдөрүбүз дагы эле иштеп турат.

Ош шаардык клиникалык ооруканасында дарылынап жатышкандар ак халатчандарга терең ыраазычылыгын билдиришип, «Колуңуздар эзели дарт көрбөсүн!» деп кудайдан тилеп гана олтурушат.

Алишер ТОКСОНБАЕВ, өз кабарчы