660 Бардыгы /

21-сентябрда Казакстанда жүздөй киши кармалган. Алардын тогузу административдик камакка алынып, алтоо айып пулга жыгылган. Бул тууралуу Казакстандын ички иштер министри Ерлан Тургымбаев билдирди.

Калгандары профилактикалык сүйлөшүүдөн соң коё берилген. Тургымбаев кармоо жети-сегиз шаарда болгонун белгиледи.

20-сентябрда Казакстан башкы прокуратурасы казакстандыктарга «уруксат берилбеген митингдерге катышуу мыйзамсыз экенин» эскертип, ага катышкандар жазаланарын билдирген.

Буга чейин бийлик өткөн ишембиде Нур-Султан менен Алматы шаарларында «уруксат берилбеген митингге катышты» деген айып менен 60тан ашык адам кармалганы тууралуу расмий билдирүү тараткан. Бул күнү өкмөткө каршы нааразылык акцияларына чыгууга коңшу өлкөдө экстремисттик деген негизде тыюу салынган «Казакстандын демократиялык тандоосу» кыймылынын лидери, 2009-жылдан бери чет жакта бозгунда жүргөн банкир Мухтар Аблязов үндөгөн.

Ал былтыр сыртынан 20 жылга кесилген. БТА банкын жетектеп турганда ага «банк ичинде кылмыштуу топ түзгөн, кызматын кыянат пайдаланган, ири өлчөмдө акча уурдаган жана банктын каражатын мыйзамсыз колдонгон» деген айыптар тагылган.

www.