1,985 Бардыгы /

20-сентябрь күнү КР ӨКМнин Жалал-Абад областтык башкармалыгы жана Жалал-Абад шаардык өзгөчө кырдаалдар бөлүмү тарабынан Жалал-Абад шаарында кырсыктардын тобокелин азайтуу боюнча бир айлыктын алкагында бир күндүк иш-чара өткөрүлдү.

Өткөрүлгөн иш-чарага Кыргыз Республикасынын Өзгөчө кырдаалдар министри Н.Мирзахмедов, КР ӨКМнин борбордук аппаратынын өкүлдөрү, КР Жалал-Абад областы боюнча ыйгарым укуктуу өкүлүнүн биринчи орун басары М.Акматов, Жалал-Абад шаардык мэриясынын, Сузак, Базар-Коргон, Ноокен райондук мамлекеттик администрациясынын өкүлдөрү баш болгон топ жана КР ӨКМнин Таш-Көмүр шаарындагы 2-өзүнчө куткаруу отрядынын куткаруучулары, Жалал-Абад шаарындагы 704 аскер бөлүгүнүн атайын багыттагы кызматкерлери, областтык жана шаардык Жарандык коргонуу кызматы техникалары менен, Улуттук Кызыл Ай коомунун кызматкерлери, шаардын тургундары, студенттер, мектеп окуучулары жана массалык маалымат каражаттарынын өкүлдөрү катышышты.

Иш-чаранын жүрүшүндө Жалал-Абад шаарындагы “Курманбек” балдар лицейинде өрт кырсыгы келип чыккан учурда адамдарды эвакуациялоо жана биринчи жардам көрсөтүү боюнча машыгуу, “Кырсыктардын тобокелдигин азайтуу – биздин колубузда!” урааны менен жалпы 1500 дөн ашуун адамдын катышуусунда жөө жүрүш, Улуттук Кызыл Ай коому жана жаштар комитети тарабынан уюштурулган флеш-моб, Жалал-Абад шаары боюнча өзгөчө кырдаалдар бөлүмүнүн өрт өчүрүүчү, авариялык-куткаруучу жана шаардык Жарандык коргонуу кызматынын техникаларынын көргөзмөсү, мектеп окуучуларынын арасында өрт өчүрүүчү-куткаруучунун күжүрмөн кийимин кийүү, өзгөчө кырдаалдар темасында сүрөт тартуу жана күжүрмөн жайылуу боюнча мелдештер, студенттер арасында чатыр тигүү боюнча мелдеш, 704 аскер бөлүгүнүн практикалык иш-чарасы, баштапкы өрт өчүрүүчү каражаттар менен өрт өчүрүү ыкмаларын жана авария болгон автоунаада жабырлануучуларды куткаруу, өрт өчүрүү, алгачкы жардам көрсөтүү боюнча практикалык көргөзмөлөр жана катышуучулар үчүн ар кандай оюн зооктор концерттик программанын коштоосунда өткөрүлдү.

Аягында Улуттук Кызыл Ай коому тарабынан активдүү катышкан жарандарга белектер берилип, андан кийин Жалал-Абад шаардык өзгөчө кырдаалдар бөлүмүнүн, 2-өзүнчө куткаруу отрядынын, облустук ички иштер башкармалыгын жана 704 аскер бөлүгүнүн кызматкерлеринин жана областтык, шаардык Жарандык коргонуу кызматтарынын техникаларынын парады болуп бир күндүк иш-чара жыйынтыкталды.

Жалал-Абад шаары боюнча өзгөчө кырдаалдар бөлүмүнүн Жарандык коргонуу бөлүмчөсүнүн башчысы

майор А.Абдуллаев