821 Бардыгы /

Түркия өткөн жумада Стамбулдагы рейд маалында кармалган эки тажик кызды Душанбеге өткөрүп берди.

Түрк басылмаларынын полицияга шилтеме кылып билдиришинче, Тажикстандын эки жараны борборазиялык башка аялдар менен бирге өткөн жумада сойкулук менен алектенгендиги үчүн кармалган.

Бирок кармалган тажик жарандарынын бири алар сойкулук менен алектенбегенин, Стамбулдагы текстил фабрикаларында жумуш издеп жүрүшкөнун билдирди.

«Бул жалган. Биз борборазиялык башка аялдар менен кармалган эмеспиз. Бизди түнкү 11де көчөдө кармап, полиция бөлүмүнө жеткиришкен. Түркиядан бул өлкөдө мыйзамсыз жүргөнүм үчүн чыгарышты», — деди депортацияланган кыздардын бири.

Тажикстандын Ички иштер министрилигиндеги өз булактардын билдиргенине караганда, мекенине жеткирилгенден кийин укук коргоо органдары ал кыздар менен сүйлөшүп, алардын расмий түрдө эч жерде иштебегендиги аныкталган. «Алар Түркияда эмне кылып жүрүшкөнүн так түшүндүрүп бере алышкан жок. Экөө тен Стамбулдагы көңүл ачуу жайлардын биринде бийчи болуп иштешкен. Бирөөсү 24, экинчиси 26 жашта экен. Укук коргоо органдары маектешүүдөн кийин аларды кое берди», — деди булак.

Бейрасмий маалыматтар боюнча, Түркияда беш миңден жети миңге чейин тажик жараны жашап, иштейт. Алар Түркиянын аймагында үч ай визасыз жүрүү укугуна ээ.

www.