728 Бардыгы /

ТАШКЕНТ. Корея Республикасынын Эличилигинин демилгеси аркасында Кыргызстандын Өзбекстандагы Элчиси Ибрагим Жунусов Кореянын  Өзбекстандагы Элчиси Кан Чже Квон менен жолугушту.

Кыргыз Элчиси Ибрагим Жунусов Элчи Кан Чже Квонду дайындалышы менен куттуктап, эки өлкөнүн эзелтеден келген достук мамилелерин баса белгиледи. Кыргызстандын демократиялык өзгөрүүлөрүнө туруктуу колдоо жана демократиялык коомду куруу үчүн Корея мамлекетинин көмөгү үчүн терең ыраазычылыгын ачыктады. Кыргыз тараптын Корея менен соода-экономикалык жактан кызматташууга кызыктар экенин дагы айтып, экология жактан таза азыктарды жөнөтүү зарылчылыгы бар экендигин  кошумчалады.  Андан ары тараптар Кореядан Кыргызстанга агылган туристтердин агымы улам көбөйүп бара жаткандыгын билдиришти. Сүйлөшүүнүн жүрүшүндө Бишкек-Сеул түз авиа каттамын, мындан тышкары оор жүк ташуу авиа каттамдарын ачуу маселелелери талкууланды. Ошондой эле алдыдагы саясий байланыштардын жана эки тараптын жогорку визити тууралуу кеп салышты.

Айтмакчы, 2007-жылы түзүлгөн «Борбор Азия – Түштүк Корея» Форуму  дайыма көп тараптуу диалог ийгиликтүү жана өз ара ишенимди бекемдөөгө салым кошкондугун, Корея жана Борбор Азия өлкөлөрүнүн ортосундагы тыгыз алаканы арттыргандыгы катуу каралган. Жолугушуунун аягында Кыргыз Элчиси Ибрагим Жунусов элчиси Кан Чже Квонго албан-албан ийгиликтерди  гана каалады.  

Алишер ТОКСОНБАЕВ, өз кабарчы