1,532 Бардыгы /

АНКАРА. Кыргызстандын Туркиядагы Элчиси Кубанычбек Өмүралиев Туркиянын Соода министри Рухсар Пекжан менен жолугушту. Анда тараптар Кыргызстан менен Түркиянын соода-экономика тармагындагы маселелерин орой-чарай талкуулашты. Эки өлкөнүн ортосундагы соода-сатыктын көлөмүн көбөйтүү, ошондой эле Кыргыз продукциясынын Түркияга экспортун көбөйтүүү максатында Соода-экономикалык кызматташуу боюнча Кыргыз-Түрк Өкмөттөр аралык комиссиясынын 9-отурумун 2019-жылдын октябрь айында өткөрүү зарылчылыгын баса белгилешти.

Кыргызстандын Туркиядагы Элчиси Кубанычбек Өмүралиев Туркиянын Соода министри Рухсар Пекжанга Кыргызстандагы  инвестициялык мүмкүнчүлүктөр жана климат, бизнес жүргүзүүнүн шарттары (төмөн салыктар жана бизнес жүргүзүү боюнча чыгымдар), өлкөнүн макроэкономикалык көрсөткүчтөрү, тышкы соода-сатыктын көлөмү, ЕЭБдеги Кыргызстандын мүчөлүгү жана ВСП+ макамы жөнүндө маалымат жасады. Кубанычбек Өмүралиев Кыргызстанды Туркиянын өзгөчө колдоосу аркасында колдонгон өлкөлөрдүн Программасына (Преференция программасы) киргизүү жана Кыргыз фасолуна бажы төлөмдөрүн төмөндөтүү боюнча өтүнүчүн дагы кошумчалады.

Өз кезегинде Туркиянын Соода министри Рухсар Пекжан 2017-жылы Түркияда фасольдун түшүмү мол болбогонуна байланыштуу бажы төлөмдөрү  төмөндөтүлөндүгүн билдирди. Бирок, ушул тапта мындай зарылчылык болбогондугуна байланыштуу жана Түрк фасоль өндүрүүчүлөрүн коргоо максатында бажы төлөмдөрүн төмөндөтүү жана Кыргызстанга эч бир преференция берүү мүмкүн эместигин ачыктады.

Алишер ТОКСОНБАЕВ, өз кабарчы