785 Бардыгы /

НЬЮ-ЙОРК. Кыргызстандын жана Румыниянын тышкы саясий ведомстволорунун башчылары биргелешкен аракеттердин Планына, ошондой эле Кыргызстан жана Румыниянын ТИМ алдындагы Дипломатиялык академияларынын ортосунда өз ара түшүнүшүү боюнча Меморандумга кол коюшту.

Адегенде Чыңгыз Айдарбековдун Р.Манескуну Румыниянын Тышкы иштер министри кызматына дайындалышы менен куттуктады жана эки тараптуу кызматташууну мындан ары өнүктүрүүгө терең ишеничин билдирди. Жолугушуу алкагында тараптар эки өлкөнүн Тышкы иштер министрликтеринин ортосундагы Биргелешкен иш-аракеттердин планына, ошондой эле Кыргыз Республикасы менен Румыниянын ТИМ Дипломатиялык академияларынын ортосундагы өз ара түшүнүшүү жөнүндө  Меморандумга дагы кол коюшту.

Ачык жана конструктивдүү маекте Эл аралык жана Аймактык күн тартибинин негизги аспекттери, анын ичинде БУУ, ЕБ, ЕККУ жана башка Эл аралык уюмдардын аянтчасында өз ара аракеттенүү боюнча пикирлер алмашылды.

Алишер ТОКСОНБАЕВ, өз кабарчы