865 Бардыгы /

24-сентябрда Түркиянын Адилеттүүлүк жана өнүгүү партиясынын депутаты, отставкадагы генерал Ширин Уналдын үйүндө иштеп жүргөн 23 жаштагы өзбек жараны Надира Кадырова каза болду.

Түрк басылмаларынын маалыматына караганда, Кадырова генералга таандык тапанчадан атылган октон жаракат алып, ооруканага жеткирилгенден кийин каза болгон. Андан бир күн мурда Кадырова курбусуна SMS-билдирүү жөнөткөн. «Өтө жаман нерселер болуп жатат. Агамдын көзүн кантип карайм. Өлгүм келип жатат», — деп жазылган ал билдирүүдө.

Азырынча түрк парламентинин депутаты бул окуя боюнча журналисттердин суроолоруна жооп берүүдөн баш тартууда.

Кадырованын агасы Мухаммадали Кадыров карындашы жогорку окуу жайга тапшыруу үчүн сынактарга даярданып жүргөнүн жана өз өмүрүнө кол салууга эч кандай себеп болбогонун билдирүүдө.

Өзбекстандын Анкара шаарындагы Башкы консулдугунан билдиришкендей, кыздын сөөгү мекенине жеткирилип, 26-сентябрда жерге берилген.

www.