766 Бардыгы /

         ЕРЕВАН. Кыргыз Республикасынын Президенти Сооронбай Жээнбеков Армениянын баш калаасы Ереван шаарында Жогорку ЕврАзия Кеңешинин кезектеги жыйынына катышты. ЖЕЭК жыйыны бул сапар адаттагыдай эле тар жана кеңейтилген курамда өткөрүлдү. Анын жыйынтыктары боюнча ЕврАзия Экономикалык Биримдикке мүчө мамлекеттердин башчылары Биримдиктин алкагында интеграцияны мындан ары тереңдетүүгө багытталган бир катар документтерге дагы кол коюшту.

Мындан тышкары Биримдиктеги өлкөлөрдүн вице-премьер министрлеридагы ЕАЭБ жана Сингапурдун ортосундагы эркин соода жүгүртүү аймагы жөнүндө бир катар макулдашууга кол коюшту. Жыйындын соңунда ЕврАзия Экономикалык комиссиясынын Коллегиясынын төрагасы Тигран Саркисян делегация башчыларына Биримдиктин беш жылдыгына карата ЕАЭБ мүчө мамлекеттердин Улуттук Банктары чыгарган эстелик тыйындарын тапшырды.
Ошондойэле делегация башчылары Армениянын«Тумо» инновациялык технологиялар борборунун ишмердүүлүгү менен таанышты жана «ЕврАзия континенттин транзиттик потенциалы» форумунун жыйынтыктоочу сессиясына дагы катышышты.

ЖЕЭК жыйынына катышуунун алкагында Кыргызстандын Президенти Сооронбай Жээнбеков Молдова Республикасынын Президенти Игорь Додон менен жолгушту. Анын жүрүшүндө Кыргызстан менен Молдованын ортосундагы эки тараптуу кызматташтыктын актуалдуу темалары жана келечеги кең-кесири талкууланды.

Алишер ТОКСОНБАЕВ, өз кабарчы