722 Бардыгы /

ВАШИНГТОН. Кыргыз Республикасынын Тышкы иштер министри Чыңгыз Айдарбеков Вашингтон шаарына жумушчу сапарынын алкагында  АКШнын Башкы прокурорунун жардамчысынын орун басары, Эл аралык маселелер боюнча Кеңешчи Брюс Шварц менен жолугушту.

Тараптардын ортосундагы эки тараптуу кызматташууну өнүктүрүүнүн абалы жана келечеги кенен талкууланды.
Кыргыз Республикасынан мыйзамсыз чыгарылып кеткен активдердин бөлүгүн кайтарууда көмөк көрсөткөндүгү үчүн Чыңгыз Айдарбеков америкалык тарапка терең ыраазычылыгын билдирди. Бул кадам жемкорлукка каршы күрөшүүдө эки демократиялык өлкөнүн ортосундагы кызматташуунун жакшы үлгүсү болуп саналаарын баса белгиледи.

Жолугушуунун жүрүшүндө ошондой эле тараптар Кыргызстан менен АКШнын ортосундагы укуктук кызматташуу боюнча эки тараптуу мамилелерди бекемдөө маселелерин дагы кызуу талкуулашты. Ушуга байланыштуу Б.Шварц эки тараптуу күн тартибинде орун алган маселелер боюнча ишти жигердештирүүгө Американын даярдыгын жана колдоосун ачыктады.

Алишер ТОКСОНБАЕВ, өз кабарчы