1,205 Бардыгы /

ГУАНЧЖОУ. Кытай Эл Республикасынын Гуанчжоу шаарында Гуандун облусунун Кыргызстандык окуучуларынын бирикмесин түзүүгө арналган майрамдык иш-чаралар өткөрүлдү.

Гуанчжоу шаарындагы Кыргыз Республикасынын Башкы консулдугунун өкүлдөрү, Гуандун аймагында өз ишин алып барган Кыргызстандык ишкерлер, Гуанчжоу шаарында окуган студенттер жана башка жолугушуунун катышуучулары ушундай –Кыргыз Республикасынын жарандарынын чогулуп байланышып туру форматы актуалдуу экендигин жана аны өз ара колдоо керектигин баса белгилешти. Бул иш-чаранын алкагында студенттер өздөрү даярдашкан оюн-зоок программасы тартууланды.

Гуанчжоу шаарындагы Кыргыз Республикасынын Башкы консулдугунун консультативдүү кеңеши менен түптөлгөн Ассоциация, башкы концепциянын негизинде – Гуанчжоу шаарында окуган кыргыз студенттерин бириктирген, коомдук, коммерциалык эмес уюм. Бул уюмдун түзүү максаты – Гуандун аймагында жайгашкан мекендештерди бириктирүү, кыйын кырдаалдарда өз ара жардамдашуу, жаңы келген студенттерге колдоо көрсөтүү. Бул Ассоциацианын астында коюлган пландарында – спорт тармагында сынактарды, жолугушууларды өткөрүү жана улуттук майрамдарында биргелешип чогуу иш-чараларды алып баруусу дагы көрсөтүлгөн.

Кыргызстандык окуучулардын башын бириктирген уюмду түзүү идеясы Гуанчжоу шаарында туруктуу же убактылуу жайгашкан Кыргыз Республикасынын жарандарынын арасында жакшы ой менен кабыл алынды. Кыргызстандын Башкы консулдугу жана Кыргызстандык ишкерлер бул уюумдун ишине зарыл жардам жана колдоо көрсөтүүгө даяр экендиктерин убада кылышты.

Алишер ТОКСОНБАЕВ, өз кабарчы