713 Бардыгы /

БИШКЕК. Кыргыз Республикасынын Президенти Сооронбай Жээнбеков Түркия Республикасынын Жогорку кассациялык сотунун Башкы прокурору Мехмет Акарджаны кабыл алды. Анда эки мамлекеттин укук коргоо органдарынын кызматташуусу тууралуу пикилер алмашылды.

Мамлекет башчысы Сооронбай Жээнбеков Бишкекте Шанхай кызматташтык уюмуна мүчө мамлекеттердин Башкы прокурорлорунун 17-жыйыны ийгиликтүү өткөндүгүн зор канааттануу менен белгиледи. Кыргызстан үчүн Түркия маанилүү стратегиялык өнөктөш болуп саналаарындагы бир жолу баса белгиледи. Президент жыл ичинде түрдүү деңгээлдеги биркатар Кыргыз-Түрк жолугушуулары жана сүйлөшүүлөрү өткөндүгүн эске салды. Мындан ары дагы Түрк тарабы менен эки тараптуу кызматташтыктын бардык багыттары боюнча жемиштүү сүйлөшүүлөргө даяр экендигин билдирди. Ошондой эле Президент Сооронбай Жээнбеков Кыргызстан жана Түркиянын ортосундагы стратегиялык кызматташтыктын Жогорку Кеңешинин жыйынынын жана экономиканын актуалдуу жана башка экономиканын реалдуу сектору менен байланышкан маселелердин маанилүүлүгүн дагы белгиледи.

Түркия Республикасынын Жогорку кассациялык сотунун Башкы прокурору Мехмет Акарджа Мамлекет башчысына кабыл алгандыгы үчүн терең ыраазычылыгын билдирди жанаТүркия Президенти Реджеп Тайып Эрдогандын жана Түркиянын Жогорку Улуттук жыйынынын Төрагасы Мустафа Шентопанын ысык саламын айтты. Сооронбай Жээнбековдун Президенттик ишинин башталышы менен өлкөлөр ортосундагы эки тараптуу мамилелер жакшырып, ырааттуу өнүгүү байкалып жаткандыгын дагы баса белгиледи.

Алишер ТОКСОНБАЕВ, өз кабарчы