714 Бардыгы /

ВАШИНГТОН. Кыргыз Республикасынын Тышкы иштер министри Чыңгыз Айдарбеков АКШга жумушчу сапарынын алкагында АКШ Президентинин жардамчысынын орун басары, АКШнын Улуттук коопсуздук Кеңешинин Түштүк жана Борбор Азия боюнча Улук директору Лиза Кертис менен жолугушту.

Эки тараптуу жана аймактык кызматташууну өнүктүрүүнүн азыркы абалы жана келечеги талкууланды. Тараптар ошондой эле транс улуттук чакырыктарга жана коркунучтарга каршы күрөшүү маселелери, соода-экономикалык жана инвестициялык өз ара аракеттенүүнү кеңейтүү жолдору боюнча дагы ачык пикир алмашышты.

Соңунда маектештер Кыргыз-Америка кызматташуусун мындан ары кеңейтүүгө өз ара кызыкдарлыгын жана даярдыгын дагы тастыкташты.

Алишер ТОКСОНБАЕВ, өз кабарчы