817 Бардыгы /

ВАШИНГТОН. Кыргыз Республикасынын Тышкы иштер министри Чыңгыз Айдарбеков АКШга жумушчу сапарынын алкагында АКШнын Эл аралык өнүгүү Агенттигинин (USAID) башкы кеңсесине дагы баш багып, USAID өкүлдөрү менен жолугушту.

Тараптар Кыргызстандын USAID менен өз ара аракеттенүүсүнүн эң актуалдуу маселелерин, мунун ичинде кыска жана узак мөөнөттү мезгилдерге кызматташуу пландарын дагы ачык-айкын талкуулашты.
Өз ара аракеттенүүнүн негизги багыттары, АКШнын катышуусундагы Аймактык долбоорлордун ишке ашырылуусунун жүрүшү, ошондой эле Кыргызстан менен АКШнын ортосундагы эки тараптуу өз ара аракеттенүүнүн башка маанилүү маселелери дагы талкууланды.

Кызматташтыкты өнүктүрүүгө жана бекемдөөгө өз ара кызыкдарлык, ошондой эле күн тартибинин учурдагы маселелери боюнча үзгүлтүксүз негизде пикир алмашууга даярдык биротоло тастыкталды.

Алишер ТОКСОНБАЕВ, өз кабарчы