718 Бардыгы /

БАТКЕН. Кыргыз Өкмөтүнүн Баткен облусундагы ыйгарым укуктуу өкүлүнүн биринчи орун басары Кеңеш Салихов Улгайган адамдардын Эл аралык күнүнө карата 100 жаштан ашкан карыялардан кабар алып, белек-бечкектерин тапшырды.

Маселен, Баткен районунун Кара-Бак айылынын тургундары Шарап Шарипов ата жана Мурзабекова Идаят апа экөө тең быйыл 100 жашта. Алардан кабар алган Кеңеш Салихов, карыяларга сак саламаттык жана бакубат жашоо гана тиледи. 1-октябрь Улгайган адамдардын Эл аралык күнүнө карата 2019-жылдын 15-сентябрынан 15-октябрына чейин Баткен облусунун аймагында улгайган адамдарга колдоо көрсөтүүнүн бир айлыгын жарыялоо жөнүндө ыйгарым укуктуу Өкүлдүн буйругу жарыяланган. Бир айлыктын алкагында облустагы жалгыз бой, жардамга муктаж, жакыр жашаган жана майып карыяларга дагы ар тараптуу жардамдар көрсөтүлүүдө.

Айтмакчы, Баткен облусунда 100 жаштан ашкан 11 карыя болсо, карылыгы боюнча пенсия алган 41081 улгайган ата-апалар бар.

Алишер ТОКСОНБАЕВ, өз кабарчы