884 Бардыгы /

“Азаттыктын” тажик кызматынын кабарчылары Афсона Акобиршоева менен Тахмина Хакимова маңзат сатууга шектелген таксистти кармоо учуруна кокустан күбө болуп калышкан. Буга байланыштуу ИИМ кызматкерлери аларды кармап кеткен.

Маалыматка караганда, кабарчыларды милиция бөлүмүндө эки жарым саат убакыт кармашкан. Алар түшүнүк кат жазышкан.

Тахмина Хакимованын айтымында, 7-октябрда алар отурган таксиге беш кишиден турган топ келип, таксистти кармап кетүүгө аракет жасаган. Кабарчылар бул учурду видеого түшүрүп калышкан. Бир нече убакыттан кийин аларын бири күбөлүгүн көрсөтүп, атайын топтун башчысы экенин, маңзат сатууга шектелген таксистти кармоо операциясы жүрүп жатканын айткан.

“Азаттыктын” тажик кызматынын кабарчылары да документтерин көрсөтүшкөн. Атайын операциянын башчысы аларга башка такси жалдап берерин айтып, бирок видеожазууну көргөн соң, журналисттерди милиция бөлүмүнө жеткирүүнү туура көргөн.

Тахмина Хакимованын айтымында, райондук милиция бөлүмүндө “милиция кызматкерлеринин ишине тоскоолдук жаратышканы үчүн аларды 15 суткага камайбыз” деп коркутушкан.

Афсона менен Тахмина бир жылдан ашык убакыттан бери “Азаттыктын” тажик кызматынын Душанбедеги кеңсесинде иштешет.

www.