932 Бардыгы /

ЖЕНЕВА. БУУнун Качкындар иштери боюнча Башкармалыгынын Жогорку комиссарынын Аткаруу комитетинин 70-сессиясынын алкагында жарансыздык менен күрөшүү темасындагы жогорку деңгээлдеги жыйынга катышуу үчүн Женевага сапарынын жүрүшүндө КыргызстандынТышкы иштер министри Чыңгыз Айдарбеков Дүйнөлүк саламаттык сактоо уюмунун Башкы директору Доктор Тедрос Гебрейесус менен дагы жолугушту.

Тараптар Кыргызстан менен Дүйнөлүк саламаттык сактоо уюмунунортосундагы эки тараптуу кызматташуунун актуалдуу маселелерин, мунун ичинде өлкөнүн саламаттык сактоо секторун реформалоо жана жакшыртуу менен байланышкан, ошондой эле уюм тарабынан аткарылып жаткан долбоордук ишмердүүлүк тууралуу кенен-чонон талкуулашты.   Министр Чыңгыз Айдарбеков Дүйнөлүк саламаттык сактоо уюмунун долбоордук ишмердүүлүгү  саламаттык сактоо секторун бекитүүдө мамлекеттин ийгиликтүү жана ырааттуу ишине өзүнүн салмактуу салымын кошуп жаткандыгын баса белгиледи жана Уюм тарабынан көрсөтүлүп жаткан жардам үчүн терең ыраазычылык билдирди. Тышкы иштер министри ар кандай Программаларды жана Долбоорлорду ишке ашыруу жолу аркылуу ВИЧ-СПИД, кургак учук, жугуштуу эмес оорулар (НИЗ), анын ичинде жүрөк-кан тамырлары, өпкө  оорулары менен күрөшүү, ошондой эле өлкөдөгү  алгачкы медико-санитардык жардамды бекемдөө жана өнүктүрүү сыяктуу саламаттык сактоо жаатындагы көйгөйлөрдү комплекстүү чечүүдө Дүйнөлүк саламаттык сактоо уюму тарабынан Кыргызстанга көмөк көрсөтүүнүн улантылуусунун маанилүүлүгүн дагы белгиледи.

Өз кезегинде Дүйнөлүк саламаттык сактоо уюмунун Башкы директору Кыргызстандын саламаттык сактоо жаатындагы  өткөрүлүп  жаткан реформалардагы аракетин колдоо менен тараптардын ортосундагы эки тараптуу кызматташуусунун бүгүнкү деңгээлиноңң баалады. Ошондой эле Т.Гебрейесус жемиштүү жолугушуу үчүн Министрге ыраазычылык билдирди жана өлкөнүн алдында турган маселелерди чечүү максатында кызматташууну дагы улантууга даярдыгын тастыктады.

Алишер ТОКСОНБАЕВ, өз кабарчы