718 Бардыгы /

МОСКВА. Кыргызстандын Элчиси Аликбек Жекшенкулов Орусиянын Мамлекеттик Думасынын депутаты, Федералдык Жыйындын Көз карандысыз Мамлекеттер Шериктештиги, Евразия интеграция жана мекендештер менен байланыш иштери боюнча Комитетинин мүчөсү И.И.Белеков менен жолугушту.

Аликбек Жекшенкулов Кыргыз Республикасынын жетекчилиги Кыргызстан менен Алтай Республикасынын боордош элдеринин тарыхый-маданий жалпылыгын жана эки өлкөнүн ортосунда өз ара аракеттер менен кызматташууга түрткү берилип жаткан аракеттерди эске алуу менен, Кыргызстан менен Орусиянын ортосундагы кайчылаш 2020-жылы бул багыттагы иш-чараларды биргелешип өткөрүүгө бардык чараларды көрөөрүн баса белгиледи. Өз кезегинде И.И.Белеков 2017-жылдын жайында “Алтай цивилизациясы жана алтай тектеш тилдүү үй-бүлөсүнүн элдери” аталып, Кыргызстанда өткөрүлгөн өткөрүлгөн Эл аралык Форумдун уландысы катары 2020-жылы Алтайда алтай цивилизациясы боюнча Эл аралык форум өткөрүү  пландары тууралуу маалымат берди жана 2020-жылы аталган иш-чарада Кыргыз Президенти Сооронбай Жээнбеков баш болгон Кыргызстандын расмий делегациясынын катышуусун сунуштады. Ошондой эле Алтай Республикасынын студенттеринин искусство, музыка, сүрөт  жана көркөм өнөр тармактары боюнча Кыргыз Республикасынын жогорку окуу жайларында билим алуу маселесин кароонун максатка ылайыктуу экендегин, “Ыйык көлдөр Биримдигин”түзүү жана Ысык-Көлдү ЮНЕСКОнун Бүткүл Дүйнөлүк Баалуу Мурас Тизмесине киргизүү тууралуу демилгесин ачыктады.

Орусиянын Мамлекеттик Думасынын депутаты, Федералдык Жыйындын Көз карандысыз Мамлекеттер Шериктештиги, Евразия интеграция жана мекендештер менен байланыш иштери боюнча Комитетинин мүчөсү И.И.Белеков Орусия менен Кыргызстандын ортосунда жаңы эки тараптуу ченемдик документерди кабыл алуу боюнча Кыргыз тарабынын демилгелерин алга жылдыруу жана“Алтай цивилизациясы жана алтай тектеш тилдүү үй-бүлөсүнүн элдери ”Эл аралык Форумдун жыйынтыктарын ишке ашыруу, ошондой эле келе жаткан 2020-жылы Кыргызстан менен Орусиянын ортосундагы кайчылаш жылдын алкагында маданий-идеологиялиялык иш-чараларды уюштуруу  маселелери боюнча кызматташууга даяр экендигин кошумчалады.

Алишер ТОКСОНБАЕВ, өз кабарчы