3,020 Бардыгы /

Кыргызстанда алгачкы жолу 2 миңден ашуун адамды камтыган китеп фестивалын Жалал-Абад жаштары уюштурмакчы. Мындай иш-чаралар “китепкөй өлкө, Бир адамдан бир китеп, Китепкой Ала-Тоо” долбоорлорунун алкагында өлкөнүн бардык эле аймактарында уюштурулуп келген. Ал эми Жалал-Абадда өтүүчү фестиваль катышуучулардын санынын көптүгү менен өзгөчөлөнөт. Бул тууралуу уюштуруучу жаштар билдирди.

“Китепкөй Жалал-Абад фестивалы” 18-октябрь күнү Жалал-Абад шаарындагы Курманбек стадионунда өтөт. Ага маданият жана маалымат, туризм министрлигинин орун басары Нуржиит Кадырбеков, Энелер мектебинин негиздөөчүсү гапыр Мадаминов, Төкмө акын Идрис Айитбаев, жеке ишкер Түгөлбай Сейдалиевдер сыйлуу конок катары катышат. Ата-энелерге, мугалимдерге жана жалпы жаштарга арналган түрдүү темадагы тренингдер, китеп жарманкеси, оюн-зооктор жана ыр-бий менен коштолот.

Кирүү акысыз, болгонуу ар бир адам өзү менен кошо бир китеп же бир адам ала келүүсү суралган.

Белгилей кетсек, фестиваль Маданият, маалымат жана туризм министрлиги, Жалал-Абад шаарынын мэриясы, Жаштар иштери боюнча комитети жана Жалал-Абад шаарындагы “Салымбеков бизнес мектеби” менен биргеликте “БАБК: Китепкөй өлкө” долбоорунун алкагында өткөрүлүп жатат.