1,362 Бардыгы /

Бүгүн, 14-октябрда Жалал-Абад ОИИБдин имаратында кызматка дайындалган кызматкерлер өздүк курамга тааныштырылып, спортто ийгиликке жеткендер сыйланышты. Бул тууралуу Жалал-Абад ОИИБдин басма сөз кызматы маалымдады.

“Кыргыз милициясынын 95 жылдык” маарекесин утурлай спортчуларыбыз ийгиликтерди багындырышууда. Тактап айтканда, 10-13-октябрь күндөрү Баткен областынын Кызыл-Кыя шаарында болгон Эл аралык «кол урушу» боюнча ачык биринчилигине «Шумкар» атайын багыттагы полкунун Жалал-Абад шаарындагы өзүнчө ротасынын кызматкерлери катышышып, байгелүү орундарды камсыздашып, командалык эсепте 1-орунду ээлешип, кубок жана дипломдор берилди.

Ошондой эле 80 кг салмакта милициянын ага сержанты Асылбек Адылбеков кол урушу боюнча чеберлердин арасында өткөн атайын кур үчүн болгон беттеште 1-орунду багындырып, диплом жана чемпиондук кур менен сыйланды.

“Аймак”