947 Бардыгы /

ОШ. Алай районунда 225 орунга ылайыкташкан мектептин жаңы имаратынын курулушу 2015-жылы башталып, араң төрт жылдан кийин, тагыраагы, быйыл гана бүткөрүлдү. Анын жана башка аймактагы бир нече социалдык обьектилердин ачылышына биринчи вице-премьер Кубатбек Боронов өзү катышты.

Өкмөт төрагасынын биринчи орун басары Кубатбек Боронов  адегенде жаңыдан бүткөрүлгөн Күң-Элек орто мектебине барып, Өкмөттүн атынан заманбап компьютердик техникаларды тапшырды. Айтмакчы, 225 орунга ылайыкташкан бул билим журтунун жаңы имаратынын курулушу тээ 2015-жылы башталган эле. Ушул тапта мектеп интернетке туташтырылган жана заманбап компьютердик техника менен жабдылды. Кубатбек Боронов мындан ташкары райондун Ленин атындагы айыл өкмөтүндөгү Согонду айылындагы 60 балага эсептелген “Наристе-Согонду” бала бакчасынын ачылышына дагы катышты.

Биринчи вице-премьер Сопу-Коргон айыл өкмөтүнүн Бүлөлү айылынын жаңыдан курулган административдик имаратынын ачылышында дагы баш багып, андан ары Сопу-Коргон айылындагы спорт комплекстин курулушун баштаган капсуланы салганга аралашты.

Алишер ТОКСОНБАЕВ, өз кабарчы