Аймак

ТАЖИК БЛОГЕРИ АР-НАМЫСКА ШЕК КЕЛТИРҮҮ АЙЫБЫ МЕНЕН ЖООПКО ТАРТЫЛДЫ

ТАЖИК БЛОГЕРИ АР-НАМЫСКА ШЕК КЕЛТИРҮҮ АЙЫБЫ МЕНЕН ЖООПКО ТАРТЫЛДЫ

 807 Бардыгы /

Душанбе шаардык ички иштер башкармалыгы калаадагы таштанды жайында сүйгөн кызын видеого тартып, социалдык түйүндөргө жайгаштырган блогерге административдик иш козгоду.

Маалыматка караганда, блогер Ахлиддин Бекулов сүйлөшкөн кызынын көзүн таңып, шаардык таштанды төгүүчү жайга алып барган. Ал жерде кыз жигитине сезимдерин билдирмек. Бирок кыз көзүнө байланган чүпөрөктү чечип, айланасын көрүп, тезирээк качып кетүүнү чечет. Блогер бул учурду видеого тартып, “аялдардын мерез жана ишенимсиз” экенин айтат. Видео социалдык түйүн колдонуучуларынын нааразылыгын жаратып, алар блогерди жоопкерчиликке тартууну талап кылышат.

Укук коргоо кызматкерлери кыз видеого өз каалоосу менен түшкөнүн, муну менен жигити экөө Интернетте атакка жетип, акча табууну көздөшкөнүн аныктаган. Бирок этикалык нормалар бузулган деген айып менен блогерге административдик иш козголгон.

www.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17