791 Бардыгы /

Ашхабаддагы айрым кафе жана ресторандарда отундун ордуна Кызыл китепке киргизилген саксөөл (чөлдө өсүүчү бадал) колдонулууда. Бул тууралуу “Азаттыктын” түркмөн кызматынын кабарчысы билдирди.

Саксөөл шиш кебек, самса, жана башка тамактарды даярдоо үчүн пайдаланылууда.

Эл арасында саксөөлгө бышкан тамак-аш же чай өтө даамдуу болот деген пикирлер бар.

Түркмөнстанда саксөөл кызыл китепке киргизилген жана аны кыюуга тыюу салынган.

“Азаттыктын” түркмөн кызматынын кабарчысы билдиргендей, саксөөл колдонгон ресторан ээлери таасирдүү аткаминерлер менен ымалалаш, буга байланыштуу алар жоопкерчиликке тартылбай келет.

Түркмөнстандын 70 пайыз аймагын ээлеген Каракум чөлүндө какыраган жерлердин көбөйүшүнө каршы саксөөлдөр жана башка өсүмдүктөр отургузулуп келет.

www.