879 Бардыгы /

БИШКЕК. Президент Сооронбай Жээнбеков Кыргыз Өкмөтүнө караштуу Мамлекеттик мүлктү башкаруу боюнча фонддун (ММБФнын) төрагасы Жылдызбек Исакуловду кабыл алды. Сүйлөшүү маалында президент өлкөдөгү мамлекеттик мүлктү башкаруу системасын санариптештирүүнүн жүрүшү менен кенен таанышты.

ММБФ төрагасы Жылдызбек Исакулов системаны автоматташтыруу боюнча жасалган иштер тууралуу маалымат жасады. Ижарага берилген 10,5 миң мамлекеттик мүлк обьектисин көрсөтүү менен электрондук реестриштелип чыккандыгын маалымдады. 2020-жылы сатып алуулар боюнча электрондук онлайн аукционду киргизүү жанадагы 1261акционердик коомдорду инвентаризациялоо пландалууда. Мамлекеттик мүлктү ижарага берүү жана сатуу системасын автоматташтыруу боюнча иштер жасалгандыгы баса белгиленди. Эгерде 2018-жылга чейин мамлекеттик мүлктү ижарага берүүдөн түшкөн киреше 100миллион сомго жетпеген сумманы түзсө, былтыр электрондук сатууну жана электрондук аукционду киргизүү аркылуу бул сумма биринчи жолу 191миллион сомду чапчыды. 2019-жылдын жыйынтыгына караганда, малекеттик мүлктү башкаруудан бюджетке түшкөн сумманын жалпы көлөмү 2,4 миллиардды түздү. Ошондой эле ММБФ төрагасы мамлекеттик мүлктү башкаруу системасын реформалоо максатында обьекттерди ижарага берүү, андан ары сатуу менен алектене турган «Аукциондук борбор» мамлекеттик мекемеси ачылгандыгын дагы кошумчалады. Бул ар бир жарандын аукционго онлайн режимде катышуусуна мүмкүнчүлүк жаратты жана жараяндын толук кандуу ачык-айкын болушун камсыздады. Жылдызбек Исакулов ММБФ бардык акционердик коомдорду жана мамлекеттик ишканаларды электрондук отчеттуулукка өткөрүү боюнча катуу иштеп жаткандыгын дагы ачыктады. Мындан тышкары мекеменин жаңы сайты иштелип чыгып, анда мамлекеттик ишканалардын жана акционердик коомдордун финансылык ишмердүүлүгү, кирешелери жана чыгашалары тууралуу толук маалымат камтылды. Ошону менен бирге Аймактарды өнүктүрүү, өлкөнү санариптештирүү жана балдарды колдоо жылынын алкагында бала бакчалардын имараттарын мамлекеттик менчикке кайтарып алуу иштери мындан ары дагы улантылмакчы.

Президент Сооронбай Жээнбеков алдыңкы жана заманбап санариптик технологияларды киргизүү жолу менен мамлекеттик мүлктү башкаруунун ачык-айкындуулугун жана натыйжалуулугун жогорулатуу ММБФнын ишмердүүлүгүндөгү артыкчылык болушу зарылдыгын дагы баса белгиледи. Бул системаны өркүндөтүү үчүн улутташтыруу механизмдеринен тышкары мамлекеттик – жеке өнөктөштүктү, инвестициялык ижара, мүлктү ишенимдүү башкарууга өткөрүп берүү механизмдериндагы киргизүү зарылдыгын белгиледи. Ошондой эле калкка мамлекеттик жана муниципалдык кызмат көркөткөн бардыктармактарда«Бирдиктүү терезе» принцибин киргизүү милдети актуалдуу экендигин жашырган жок. Ошондуктан, Мамлекеттик компаниялардын ишинин натыйжалуулугун жогорулатуу максатында ММБФ менен маалыматтык жана автоматташтырылган өз ара байланыш системасын токтоосуз киргизип, алардын ишин такай координациялоону күчөтүү абзел!

Алишер ТОКСОНБАЕВ, өз кабарчы