827 Бардыгы /

Ташкентте жарандарды өлкө сыртына жумушка орноштуруу менен алектенген «Consort xususiy bandlik agentligi» жеке агенттигинин лицензиясы убактылуу токтотулду. Бул тууралуу Өзбекстандын Эмгек министрлиги билдирди.

Мекеменин маалыматына караганда, мындай чечим кабыл алууга жарандардын аталган агенттикке карата даттанууларынын көбөйгөндүгү себеп болгон.

«Агенттиктин лицензиясы 10 иш күнүнө токтотулду. Бул аралыкта ал кардарларын жумушка жөнөтүп же акчаларын кайтарып бериши керек», — деп жазылган министрликтин билдирүүсүндө.

2019-жылы декабрда “Consort xususiy bandlik agentligi” агенттигинин кардарлары бийликке кайрылып, компания 2000 доллардан чогултуп алып, бирок эч кимисин жумушка жөнөтпөгөнүнө даттанышкан.

Өзбекстанда акыркы кездери алдамчылык үчүн сот жообуна тартылган ишке орноштуруу боюнча жеке агенттиктердин саны көбөйүүдө.

Буга чейин өлкөнүн премьер-министри Абдулла Арипов ишке орноштуруу боюнча жеке агенттиктердин ишин токтотуу тууралуу президентке сунуш киргизерин билдирген. Ал жарандарды чет өлкөдө жумушка орноштуруу ишин Тышкы миграция агенттиги алып барса максатка ылайык болорун кошумчалаган.

www.