1,691 Бардыгы /

Жалал-Абад шаарында жоогазын гүлүн Эркиндик аянтынын алдына олтургузуу пландалууда. Андан сырткары быйыл гүлдүн жалпы  22 түрү эгилерин жашылдандыруу жана көрктөндүрүү чарбасынын жетекчиси Төлөн Бакиров билдирди.

Бул жылга дагы бир өзгөчөлүк катары автовокзал жана Спутник кичи шаарчасынын айлампасына гүлдөрдү олтургузуу күтүлүүдө.

Анын айтымында быйыл көп түрдүү гүлдөр, тактап айтканда 22 түрү эгилет. Учурда күнөсканада даярдалып жаткан гүлдөр жакынкы күндөрү эгиле баштайт.

«Биринчи гүлдөрдү Ленин көчөсүндөгү клумбаларга олтурузуп бүттүк. Учурда гүлдөр даярдалууда, температура нормалдашып калгандан кийин дароо күнөсканадан алып барып олтургузабыз. Жазында жазгы гүлдү эгип эле койбостон, күз келгенде аны жыйнап ордуна күзгү гүлдөрдү эгебиз. Быйыл Чехиядан алынып келген гүлдүн уругу да себилип, көктөй баштады», – дейт Т.Бакиров

Борбордук көчөлөрдүн жээгине, мекеме-ишканалардын алдына толугу менен гүл эгилет. Ал эми бул иштер шаардын бюджети бекитилгенден кийин каражатка жараша  жүргүзүлөт.

“Аймак”