3,036 Бардыгы /

Үстүбүздөгү жылдын эки айы ичинде облус аймагында 55 өрт кырсыгы катталып, келтирилген материалдык зыян 1 млн. 898 миң 310 сомду түздү. Бул тууралуу Жалал-Абад облусу боюнча башкармалыгынын ӨӨААжАКИБнүн башчысы, майор Руланбек Кааров билдирди.

Анын маалыматына ылайык өрт өчүрүүчү-куткаруучулардын ыкчам аракетинен улам 2 жаран, 3 автоунаа жана 32 млн. 651 миң сомдон ашуун материалдык баалуулуктар сакталып калган.

Өткөн 2019-жылдын ушул мезгилине салыштырмалуу өрт кырсыгынын саны 25,7%га азайып, келтириген материалдык зыян 77,2%га кыскарган. Тактап айтканда, өткөн жылы өрт кырсыгы катталып, өрттөн келтирилген чыгым 8млн. 324 миң 123 сомду түзгөн.

Жогоруда катталган өрт кырсыктары негизинен электр жабдыктарын колдонууда эрежелердин бузулушунан (24 өрт), мештерди колдонууда эрежелердин бузулушунан (39 өрт), отко этиятсыздык менен маиле кылуудан (78 өрт), жаш балдардын от менен ойноосунан (8 өрт), 41 өрт турак-жай секторунда, 7 өрт автоунаада, 7 өт ачык аймакта катталган.

Турак-жайларда катталган өрт кырсыктарынан келтирилген материалдык чыгым 1 млн. 494 миң 828 сомду түзүп, жалпы чыгымдын 78,8%ын түздү.

КР ӨКМдин Жалал-Абад облусу боюнча башкармалыгы жогорудагыдай кырсыктардын алдын алуу, адам өлүмдөрүн, жарат алууларын болтурбоо максатында күнүмдү турмушта электр жабдууларын, автоунаа менен жүрүүдө өрт коопсуздук эрежелерин сактоону эскертет.

“Аймак”