1,129 Бардыгы /

Австрия бийлиги өлкөдө качкын макамын сураган тажик жаранын Душанбеге экстрадициялады. Хизбулло Шовализода мекенинде тыюу салынган «Ислам кайра жаралуу партиясынын» ишмердүүлүгүнө катышкан жана бийликти күч менен басып алууга аракет кылган деп айыпталууда.

Тажикстандын Башкы прокуратурасынын маалыматына караганда, Шовализода Венадан учуп келери менен Душанбе аэропортунда камакка алынды.

6-мартта «Ислам кайра жаралуу партиясынын» чет өлкөлөрдө жашаган активисттери Шовализода эч качан партиянын мүчөсү болбогонун, Тажикстанда ал кыйноого кабылып, ага карата сот адилетсиз чечим чыгарышы мүмкүн деген тынчсызданууларын билдиришкен.

Кезинде Тажикстандын өкмөтүндө жана парламентинде өкүлдөрү бар «Ислам кайра жаралуу партиясы» 2015-жылы Жогорку соттун чечими менен «террористик уюм» деп табылып, өлкөдө анын ишмердүүлүгүнө тыюу салынган. Андан соң уюмдун ондогон мүчөлөрү менен тарапташтары жоопкерчиликке тартылып, көбү камакка алынган.

www.