964 Бардыгы /

ВЕНА. Кыргыз Элчиси Бакыт Жусупов Вена Экономикалык Форумунун Башкы катчысы Елена Кирчева менен жолугушту.

Жолугушуунун жүрүшүндө тараптар эки тараптуу соода-экономикалык кызматташтыктын, ошондой эле Кыргыз Республикасы менен Европа Биримдигине кирген өлкөлөрдүн жана Чыгыш Европа мамлекеттеринин ортосундагы инвестициалык мамиленин келечектүү планын, перспективаларын абдан кызуу талкуулашты.

үстүбүздөгү жылдын июль айында Кыргызстанда боло турган биринчи Экономикалык ЕБ-БА Форумуна Вена Экономикалык Форумунун Баш катчысы Елена Кирчеванын катышуу мүмкүнчүлүгүнө өзгөчө басым жасалды.

МААЛЫМАТ ИРЕТИНДЕ: Вена Экономикалык Форумунун негизги максаты (ВЭФ) – аймактык экономикалык кызматташтыкка жардам көрсөтүү болуп эсептелет. ВЭФ 2004-жылы Чыгыш Европа өлкөлөрү үчүн үчүн Давос форумунун өлчөмүндө (форматында) негизделген. Азыркы учурда Форумга Вена Экономикалык Форумунун мүчөөлкөлөрү – Албания, Босния жана Герцеговиния, Болгария, Хорватия, Косово, Түндүк Македония, Молдова, Черногория, Австрия, Румыния, Словения, Туркия жана Украина өлкөлөрүнүн ишкерлери активдүү катышып жатышат.

Алишер ТОКСОНБАЕВ, өз кабарчы