1,782 Бардыгы /

БАТКЕН. Президент Сооронбай Жээнбеков Баткен облусуна асаган жумушчу сапарынын алкагында «Баткен таза суу менен жабдуу жана канализация тутумдарын реабилитациялоо» долбоорун иш жүзүнө ашыруунун жүрүшү менен дагы таанышты. Аталган долбоор Европа реконструкциялоо жана Өнүктүрүү Банкынын көмөгү аркасында аткарылып жаткандыгы белгиленди. Кыргыз Өкмөтүнө караштуу Суу ресурстары боюнча мамлекеттик агенттиктин директору Көкүмбек Таштаналиев бардык зарыл болгон курулуш иштери үстүбүздөгү жылдын август айында бүткөрүлөөрүн маалымдады. Долбоорду ишке ашыруунун алкагында Баткен шаарында «Таза суу» муниципалдык ишканасынын жаңы имарат курулуп, керектүү техникалар менен жабдуулар алынган, жаңы канализациялык тутумдардын курулушу аяктоо алдында турат. Ушул тапта Баткен шаары таза суу менен 60 пайызга камсыздалды. Долбоордун жыйынтыгында шаардын таза суу менен камсыздалышы 98 пайызга жогорулайт. Сооронбай Жээнбеков жергиликтүү тургундар менен баарлашуусунда алыскы

райондор жана шаарларды таза суу менен камсыздоо аймактарды өнүктүрүүдөгү мамлекеттик саясаттын артыкчылыгы болуп эсептелээрин жана анын шайлоо алдында берген башкы убадаларынын бири экенин өзгөчө белгиледи. Таза суу менен камсыздоо маселелери аймактарды өнүктүрүү маселелери менен тыгыз байланышта экенин, анткени ал жер-жерлерде инвестиция тартууга, жаңы жумушчу орундарын түзүүгө жана ички миграцияны кыскартууга өбөлгө-шарт түзөөрүн айтты.Мамлекет башчысы 2024-жылдын соңуна чейин жалпы өлкө боюнча калкты таза суу менен камсыздоо маселеси этап-этабы менен чечилерине ишендирип өттү. Президент жергиликтүү бийлик менен мамлекеттик тармактык органдарды аталган багытты өнүкүт үрүү боюнча эл аралык өнөктөштөр менен жигердүү кызматташууну улантууга чакырды. Эске салсак, акыркы жылдарда өлкөдөгү 107 айыл таза суу менен камсыздалган. Каржылоо булагы, мунун ичинде эл аралык каржы институттарынын эсебинен каржылоо аныкталган 588 айылдын тизмеси түзүлгөн. 2024-жылга чейин 715 айылдагы ичилүүчү таза суу менен жабдуу тутумдарынын курулушун бүткөрүү, колдонулуп жаткан инфратүзүмдү жаңылоо абзел! Калкты таза суу менен камсыздоо долбоорлорун ишке ашырууга ар жылы республикалык бюджеттен каражат дагы ажыратылат. Ошондойф эле бул тармакты өнүктүрүү боюнча эл аралык өнөктөштөрдөн инвестиция тартуу багытында жигердүү иштер жүргүзүлүп келатат.

Алишер ТОКСОНБАЕВ, өз кабарчы