1,387 Бардыгы /

Кыргыз Республикасынын Билим берүү министрлигинин үстүбүздөгү жылдын 3-мартындагы №226/1 буйругуна жана коомдук демилгелерге ылайык К.Ш. Токтомаматов атындагы Эл аралык университеттин студенттери, агай-эжекелери үстүбүздөгү жылдын март айынан май айынын соңуна чейинки ишембиликтерге активдүү чыга башташты.

ЭАУнун Кесиптик багыт берүү жана коомчулук менен байланыштар кызматы билдиргендей, бул багыттагы иш-чаралардын мерчеми боюнча университеттин ички жана жанаша аймагы тазаланып, көрктөндүрүлмөкчү: кышы бою булуң-бурчтарда топтолгон таштандылар, акыр-чикирлер чыгарылат, арыктар тазаланат, көчөлөр, сейил жолдор шыпырылат, жээк таштар жана дарактар акталат, дарактар жана бадалдар иреттелет, жаңы көчөттөр отургузулат, гүлзарлар тартипке келтирилет. Окуу жайдын Кесиптик кошуун комитети жана чарба бөлүмү ишембиликтерде аткарылуучу иштерди тийиштүү нукка салып, кызматкерлер менен студенттерди тазалоо жана көрктөндүрүү иштерине активдүү катыштырууда.

“Аймак”