1,104 Бардыгы /

ЖАЛАЛ-АБАД. Б. Осмонов атындагы Жалал-Абад мамлекеттик университетинде окуу корпустары, жатаканалары жана ашканалары дизинфекцияланды. Бул тууралуу аталган окуу жайдын административдик чарба иштери боюнча проректору Салмоорбек Уметов кабарлады.

Маалыматка ылайык, КРнын Коопсуздук кеңешинин чечими, Билим берүү жана илим министрлигинин №282/1 буйругун ишке ашыруу максатында 14-март күнү административдик жана окуу корпустарын дезинфекциялоо иштери башталган. Шаардык санэпидемстанция менен кошумча келишим түзүлүп, жогорудагы иштер аткарылды. Алдыда дагы тийиштүү чаралар көрүлөөрүн айтты.

Белгилей кетсек, ректордун 2020-жылдын 16-мартындагы №51 буйругуна ылайык окуу процесси убактылуу токтотулуп, он-лайн окутуу формасы колго алынып, каникул учурунда студенттер үчүн окуу процессин дистанттык уюштуруу маалымат технологияларын колдонуу аркылуу жүргүзүлө баштады.

   

“Аймак”