1,415 Бардыгы /

Үстүбүздөгү жылдын 16-мартынан 21-мартына чейинки аралыкта Жалал-Абад областынын аймагында 12 даана сайсыз ок атуучу курал жана 1 даана травматикалык тапанча алынган. Бул тууралуу Жалал-Абад ОИИБдин басма сөз кызматынан маалымдашты.

Маалыматка ылайык област аймагында ок атуучу куралды мыйзамсыз сактоо жана ок дарыларды мыйзамсыз жүгүртүү багытында жүргүзүлгөн ыкчам алдын алуу жана түшүндүрүү иштеринин натыйжасында, жалпы болуп – 13 факты аныкталган.

Белгилей кетүүчү жагдай, жергиликтүү тургундар арасында жүргүзүлгөн түшүндүрүү иштери жакшы натыйжа берип, көпчүлүк учурда жарандар туура кабыл алышып, үйүндө чоң атасынан калып кеткен, же таап алышкандыктарын билдирүү менен ок атуучу куралдарды өз ыктыярлары менен милиция кызматкерлерине тапшырган.

Ал эми жыл башынан бери ок атуучу куралга байланышкан – 54 факты аныкталган болсо, былтыркы жылы бул көрсөткүч – 51ди түзгөн.

“Аймак”