2,883 Бардыгы /

Жалал-Абад шаарынын көркүнө көрк кошкон уюм-мекемелердин бири К. Ш. Токтомаматов атындагы Эл аралык университет. Бүгүн бул университеттин жогорку кесиптик билим берүү жаатында алгылыктуу ишмердигине 27 жыл толду. 1993-жылдын 1-апрелинде Кыргыз Республикасынын Президенти А. Акаев N  VII – 100 “Жалал-Абад шаарында Кыргыз керек-жарак биримдигинин Коммерциялык институтун түзүү жөнүндө” Жарлыгына кол койгон. Туңгуч ректору болуп э.и.д., профессор, РМА академиги К. Ш. Токтомаматов дайындалган.

К. Ш. Токтомаматов педагогикалык жамааттын башын бириктирип, окуу жайдын өсүп-өнүгүүсү үчүн зор жеке салымын кошкон. Бүгүнкү күндө университет анын ысымын наам катары сыймыктануу менен алып жүрөт.

Ушул жакшы мүмкүнчүлүктөн пайдаланып, К. Ш. Токтомаматов атындагы Эл аралык университеттин профессор-окутуучулар курамын чын жүрөктөн куттуктайбыз! Студенттерине жана бүтүрүүчүлөрүнө кесиптик ишмердикте ийгиликтерди каалайбыз!

“Аймак” редакциясы