1,083 Бардыгы /

Орусиядагы тажик эмгек мигранттары карантин маалында патент үчүн төлөм албай турууну суранышууда. Патенттин баасы айына 5350 рублди түзөт. Аны Орусияда мыйзамдуу түрдө иштөөнү каалаган ар бир мигрант сатып алышы керек.

Тажикстандык Кудратшо Шеховдун патентинин мөөнөтү апрелдин ортосунда бүтүп калды. Ал карантиндин айынан жумушсуз калган жана документинин мөөнөтүн узартууга мүмкүнчүлүгү жок. Кудратшонун эки баласы бар, аялы учурда кош бойлуу:

“Болгон акчабызды батирдин ижарасына жана азык-түлүккө короттук. Учурда өтө оор абалдабыз. Үйүбүзгө кайта албай жатабыз, себеби чек аралар жабык, учак учпайт, биз ара жолдо калдык”.

Бирок Орусия бийлиги коронавируска карабай, мигранттардан патент үчүн каражат төлөөнү талап кылып жатат.

Буга чейин Тажикстандын Орусиядагы элчиси Имомуддин Сатторов Орусиянын мамлекеттик органдарына кайрылып, патент төлөөдө мигранттарга “каникул” жарыялай турууну суранган. Бирок Москва бул боюнча жооп кайтара элек.

WWW