911 Бардыгы /

АКШ Конгрессинин эки таасирдүү мүчөсү Тажикстандын президенти Эмомали Рахмондун атына кат жолдоп, аны «Эркин Европа/Азаттык» радиосунун тажик кызматынын («Озоди» радиосу») журналисттерин «коркутууну» жана алардын ишине тоскоолдук кылууну токтотууга чакырышты.

16-апрелде жазылган катка Калифорниядан шайланган демократ- конгрессмен Адам Шифф менен Огайо штатынын республикачыл мыйзамчысы Стив Шабо кол коюп, «Озоди» радиосунун кызматкерлери кабылган жаңы коркутуу фактылары тууралуу маалымат алышканын билдиришти. Катта журналисттердин аккредитациясы эрежеге ылайык бир жылга эмес, кыска мөөнөткө узартылганы жана айрым журналисттердин «текшерүүгө алынып жатышы» аларды тынчсыздандырып жатканы белгиленген.

«Озоди» радиосунун быйыл февралда аккредитация алуу үчүн Тажикстандын Тышкы иштер министрлигине кайрылган 18 кызматкеринин 10у гана иштөөгө укук алган.

Конгрессмендер Адам Шифф менен Стив Шабо былтыр октябрда да «Озоди» радиосунун кызматкерлери куугунтукка кабылып, аккредитация берилбей жатканын сындап Душанбеге кат жазышкан.

WWW.