2,069 Бардыгы /

КР ӨКМнин Жалал-Абад облусу боюнча башкармалыгы райондук, шаардык бөүмдөрү менен биргеликте облус аймагындагы чарбалык обьектилерде жана турак-жай секторунда өрткө каршы иш-чараларды жүргүзүп келишет.

Аткарылган иш-чараларга карабастан, 2020-жылдын 3 айы ичинде облус аймагында 81 өрт кырсыгы катталып, андан келтирилген материалдык зыян 2 млн. 145 миң 318 сомду түздү. Өрт өчүрүүчү-куткаруучулардын ыкчам аракеттеринен улам 2 атуул, 3 автоунаа жана 41 млн. 397 миң сомдон ашуун материалдык баалуулуктар сакталып калынган.

Өткөн 2019-жылдын ушул мезгилине салыштырмалуу өрт кырсыгынын саны 28,3 % азайган, өрттөн келтирилген материалдык зыян 73,8 % азайган. Тактап айтканда, 2019-жылдын ичинде 113 өрт кырсыгы катталып, өрттөн келтирилген материалдык зыян 11 млн. 770 миң 447 сомду түзгөн.

Жогоруда катталган өрт кырсыктарынын ичинен 57 өрт (жалпы өрт кырсыгынын 70,3 % түзөт) турак-жай секторунда катталган.

Турак жайларда катталган өрт кырсыктарынан келтирилген материалдык зыян  2 млн. 145 мин 318 сомду түзүп, жалпы чыгымдын 73,8 % түздү.

Жыл башынан турак-жай секторунда өрт кырсыктарын алдын алуу максатында өздүк курам тарабынан  12 миңден ашуун турак-жай ээлерине, жашоочуларга күнүмдүк тиричилик учурундагы өрт коопсуздук чаралары боюнча түшүндүрүү иштерин жүргүзүлгөндүгүнө карабастан турак-жайлардагы өрт кырсыктары азайбай келет. Ошондой эле, жаз мезгилинин келиши менен айлана-чөйрөнү тазалоо иштери башталып топтолгон таштандыларды өрттөө учурунда да өрт коопсуздугун сактап, атайын белгиленген жерде короодогу курулуштардан алыс аралыкта таштандыларды өрттөө иштерин жүргүзүүнү жана көзөмөлдөп турууну эстен чыгарбаныздар.

Урматтуу Жалал-Абад облусунун тургундары жогорудагыдай өрт кырсыктарын алдын алуу, адам өлүмдөрүн, жарат алууларын болтурбоо максатында күнүмдүк турмушта, отко этиятсыздык мамиле кылуу, жаш балдардын от менен ойноосуна жол бербөө, электр жабдууларын колдонууда, автоунааны пайдаланууда өрт коопсуздук эрежелерин сактоону КР ӨКМнин Жалал-Абад облусу боюнча башкармалыгы эскертет.

Р.КААРОВ, КР ӨКМдин Жалал-Абад облусу боюнча башкармалыгынын ӨӨААжАКИБдин башчысы, майор