1,681 Бардыгы /

Казакстанда коронавирус жуктуруп алган бейтаптарды дарылап жаткан медицина кызматкерлерине кошумча акча төлөп берүүдө мыйзам бузуулар аныкталды. Бул тууралуу өлкөнүн Медициналык камсыздандыруу фондунун башчысы Айбатыр Жумагулов билдирди.

«Дарыгерлердин тобокелдик тобу (медиктерге вирус жуктуруп алуу тобокелдигине жараша акча төлөнүп берилет) жана иш убактысынын бир айлык балансы жогорулатылып көрсөтүлгөн. Мындан тышкары кошумча төлөмдөр параклиникалык бөлүмдөрдүн кызматкерлерине эмес, маалыматтык системаларда жок адамдарга берилген», — деди Жумагулов.

Ал мыйзам бузуудан улам кошумча төлөм албай калган 26 миңге жакын медицина кызматкерине каражат берилерин кошумчалады. Бул максатта бюджеттен 35,7 миллиард теңге (82 миллион доллар) бөлүнгөн.

Расмий маалыматка ылайык, Казакстанда март айы үчүн 17 425 медицина кызматкери 7,8 миллион доллар өлчөмүндө кошумча каражат алган.

Акыркы маалыматтар боюнча Казакстанда COVID-19 инфекциясын жуктуруп алгандардын саны 2289 адамга жетти. Алардын 652син медицина кызматкерлери түзөт.

WWW.