1,026 Бардыгы /

Тажикстанда коронавирус жайылуу коркунучунан улам мектептер жана бала бакчалар 27-апрелден тартып 10-майга чейин каникулга жабылды. Жогорку окуу жайлары болсо адаттагыдай эле ишин уланта берет.

Тажикстан Билим берүү жана илим министрлиги чечимди COVID-19дун алдын алуу боюнча республикалык штаб кабыл алганын билдирди.

Бул арада штаб азык-түлүк коопсуздугун камсыздоо үчүн буудай, күрүч, чечевица, буурчак, маш буурчак, жумуртка, картошка жана эттин бардык түрүн экспорттоого тыюу салды.

Мындан тышкары массалык иш чараларды, анын ичинде семинарларды, спорттук мелдештерди өткөрүүгө, кинотеатр жана театрлардын ишине чектөө киргизилди.

Бүгүнкү күндө Тажиктанда коронавирустун лабораториялык шартта далилденген учуру катталган эмес. Ошол эле маалда өпкөсү сезгенип, кургак учуктан бир нече кишинин каза тапканы, маркумдар жабык табытта жерге берилип, алардын жакындары карантинге алынып жатканы сыяктуу кабарлар чыгып жатат.

WWW.