USCIRF: БОРБОР АЗИЯ ӨЛКӨЛӨРҮНДӨ ДИН ЭРКИНДИГИ БУЗУЛУУДА

945 Бардыгы /

АКШнын Эл аралык диний эркиндик боюнча комиссиясы (USCIRF) дүйнөдөгү дин эркиндигинин абалы тууралуу баяндамасын жарыялады. Быйыл изилдөө 29 өлкөдө жүргүзүлүп, алар «өзгөчө тынчсызданууну жараткан» жана «өзгөчө байкоо салуу сунушталган» өлкөлөр деп эки топко бөлүнгөн.

Борбор Азия өлкөлөрүнүн ичинен биринчи топко Тажикстан менен Түркмөнстан, экинчи топко Казакстан менен Өзбекстан киргизилген.

Комиссия США об ущемлении свободы веры в Центральной Азии

The code has been copied to your clipboard.

width px height px

The URL has been copied to your clipboard

No media source currently available0:000:03:210:00

Уюмдун изилдөөчүлөрү Тажикстандын бийлиги диний кийимдерди кийүүгө киргизилген буга чейинки чектөөлөргө кошумча 2019-жылы өлкөгө аялдардын диний кийимдерин алып кирүүгө тыюу салып, хижабчан аялдардын тизмесин түзө баштаганын белгилешкен. Мындан тышкары баяндамада тажик өкмөтүнүн алдыдагы эл каттоодо жарандардын дини тууралуу маалыматтарды топтоо планына карата тынчсыздануусу жазылып, өлкөдөгү дин эркиндигинин бузулушуна жооптуу мекемелер менен кызмат адамдарына санкция киргизүү ыктымалдыгы каралып жатканы белгиленген.

Уюмдун изилдөөчүлөрү жеткиликтүү булактардын маалыматына таянып, Түркмөнстандагы дин тутуу эркиндигине байланышкан абалды оор деп мүнөздөшкөн. Баяндамада бийлик мурдагыдай эле каттоодон өтпөгөн диний топторго карата куугунтукту улантып, аларга каршы козголгон иштерди жабык карап, жашыруун өкүм чыгарып жатканы белгиленген. Уюм бул өлкөгө соттолгондор сырткы дүйнө менен эч кандай байланышы жок кармалган Овадан-Депе түрмөсүн жабууну жана бардык саясий туткундар тууралуу маалыматтарды ачык жарыялоону сунуштаган.

Баяндамада Казакстан менен Өзбекстанда 2019-жылы дин эркиндигине байланышкан абал жакшырганы белгиленген. Ошол эле маалда расмий Нур-Султандын Шинжаңдагы абалга карата позициясы сынга алынган. Өзбекстанда 2019-жылы саясий жана диний беренелер менен айыпталган адамдар отурган Жизактагы Жаслык түрмөсү жабылганы жакшы жышаан катары белгиленген.