1,514 Бардыгы /

Кытай АКШнын президенти Дональд Трамптын «ноябрдагы шайлоодо Бээжин менин жеңилип калышымды каалайт» деген билдирүүсүн четке какты.

Трамп 29-апрелде Reuters агенттигине берген интервьюсунда Кытай анын шайлоодо утулуп калышы үчүн «бардык аракетин көрөрүн» айткан. Президент муну Кытай Вашингтон менен Бээжиндин ортосундагы соода жана саясий мамилелерге нааразы экендиги менен түшүндүргөн.

30-апрелде Кытайдын Тышкы иштер министрлиги (ТИМ) АКШдагы президенттик шайлоо — бул өлкөнүн ички иши экенин билдирди.

«Бээжин шайлоого кийлигишүүгө кызыкдар эмес. АКШнын эли бул саясатка Кытайды аралаштырбайт деп үмүттөнөбүз», — деп билдирди Кытай ТИМинин өкүлү.

Буга чейин Трамп АКШда он миңдеген адамдын өмүрүн алып, өлкөнү экономикалык рецессияга кептеген глобалдык пандемия үчүн жоопкерчиликти Кытайга жүктөгөн.

30-апрелде Кошмо Штаттардын президенти коронавирус Кытайдагы вирусологиялык лабораторияда иштелип чыккандыгын ырастаган далилдерди көргөнүн билдирген. Буга чейин АКШнын чалгын кызматы вирус кытай лабораториясындагы жаңылыштыктан улам жайылып кеткен болушу мүмкүн деген версияны иликтеп жатканын кабарлаган.

WWW.